ბუღალტერია
ბუღალტერიის კურსი აკადემია UNIKO-ში
შეისწავლეთ ბუღალტერია და მოემზადეთ პროფესიული საქმიანობისთვის. აკადემია UNIKO გთავაზობთ ბუღალტერიის კურსს, რომელიც აერთიანებს საერთაშორისო სტანდარტებზე დაფუძნებულ თეორიულ სწავლებას, საბუღალტრო პროგრამების შესწავლასა და პრაქტიკას აუდიტორულ-საბუღალტრო კომპანიაში.
ვისთვის არის განკუთვნილი კურსი?
ბუღალტერიის კურსი განკუთვნილია:
- დამწყებთათვის, რომლებსაც ბუღალტერიის შესწავლა და ამ სფეროში მუშაობის დაწყება სურთ;
- მოქმედი ბუღალტრებისთვის, რომლებსაც პროფესიული ცოდნის გაღრმავება და პრაქტიკული უნარების განვითარება სჭირდებათ.
რას ისწავლით ბუღალტერიის კურსზე?
კურსის განმავლობაში შეისწავლით ბუღალტრული აღრიცხვის საფუძვლებს, ფინანსური ანგარიშგების მომზადებასა და საბუღალტრო კომპიუტერულ პროგრამებში მუშაობას.
სწავლა დაგეხმარებათ:
- გაიგოთ ბუღალტრული აღრიცხვის ძირითადი პრინციპები;
- ისწავლოთ ყოველდღიური საბუღალტრო ოპერაციების აღრიცხვა;
- მოამზადოთ და გააანალიზოთ ფინანსური ანგარიშები;
- დაამუშაოთ სააღრიცხვო ინფორმაცია;
- განივითაროთ ბუღალტრად მუშაობისთვის საჭირო უნარები.
ფინანსური ანგარიშგების მომზადება და ანალიზი.
შეისწავლით ძირითადი ფინანსური ანგარიშგებების მომზადებასა და ანალიზს:
- ფინანსური მდგომარეობის ანგარიშგება — ბალანსი;
- მოგებისა და ზარალის ანგარიშგება;
- ფულადი ნაკადების ანგარიშგება;
- საკუთარი კაპიტალის ცვლილებების ანგარიშგება.
ასევე გაეცნობით გაუნაწილებელი მოგებისა და ფინანსურ ანგარიშგებაში შემავალი ძირითადი ელემენტების აღრიცხვას საერთაშორისო სტანდარტების მიხედვით.
ბუღალტერიის კურსის პროგრამა.
სასწავლო პროგრამა მოიცავს შემდეგ თემებს:
- ბუღალტრული აღრიცხვის საფუძვლები;
- ფინანსური ანგარიშგების ძირითადი ელემენტები;
- ანგარიშთა გეგმა და საცდელი ბალანსი;
- მაკორექტირებელი გატარებები;
- ფულადი სახსრებისა და დებიტორული დავალიანებების აღრიცხვა;
- სასაქონლო-მატერიალური მარაგების აღრიცხვა;
- მატერიალური და არამატერიალური აქტივების აღრიცხვა;
- ვალდებულებების აღრიცხვა;
- ინვესტიციების გადაფასება;
- ფულის დროში ღირებულების საფუძვლები;
- ფინანსური და საოპერაციო იჯარის აღრიცხვა;
- ბუღალტრული აღრიცხვა სააქციო საზოგადოებებში;
- ბუღალტრული აღრიცხვა სამრეწველო საწარმოებში;
- ფინანსური ანგარიშგებების მომზადება და ანალიზი.
საბუღალტრო პროგრამების შესწავლა.
კურსის ფარგლებში შეისწავლით შემდეგ საბუღალტრო პროგრამებს:
- ORIS
- INFO
- SUPERFIN
პროგრამებში მუშაობისას ისწავლით საბუღალტრო ოპერაციების შესრულებას, მონაცემების დამუშავებასა და შესაბამისი ანგარიშების მომზადებას.
პრაქტიკა აუდიტორულ-საბუღალტრო კომპანიაში.
აკადემია UNIKO-ში ბუღალტერიის სწავლა პრაქტიკულ დავალებებსაც მოიცავს, რათა მიღებული ცოდნის გამოყენება შეძლოთ.
კურსის ფარგლებში პრაქტიკას გაივლით აუდიტორულ-საბუღალტრო კომპანიაში. გაეცნობით რეალურ სამუშაო პროცესს, ბუღალტრის ყოველდღიურ საქმიანობას და განივითარებთ პროფესიულ უნარებს.
კურსის ხანგრძლივობა და პრაქტიკა.
ბუღალტერიის კურსის საერთო ხანგრძლივობაა 4 თვე:
- 3 თვე — თეორიული და პრაქტიკული სწავლება, ბუღალტრული აღრიცხვისა და საბუღალტრო პროგრამების შესწავლით;
- 1 თვე — პრაქტიკა აუდიტორულ-საბუღალტრო კომპანიაში.
უნივერსალური ცოდნის აკადემია UNIKO არაფორმალური განათლების სფეროში 27-წლიან გამოცდილებას ფლობს.
აკადემია გთავაზობთ:
- მაღალკვალიფიციურ პედაგოგებს;
- საერთაშორისო სტანდარტებზე დაფუძნებულ სწავლებას;
- მსმენელთა საჭიროებებზე მორგებულ სასწავლო პროგრამას;
- ინტერაქტიულ გაკვეთილებსა და პრაქტიკულ დავალებებს;
- პრაქტიკას აუდიტორულ-საბუღალტრო კომპანიაში;
- მოქნილ სასწავლო გრაფიკს;
- კომფორტულ სასწავლო გარემოს.
